Bashkë-udhëheqës i Ekipit të Financave & Mbledhjes së Fondeve
Vendndodhja: Remote (me bazë në Kosovë)
Angazhimi: Vullnetar (pa pages)
Volt Kosova:
Volt Kosova asht pjesë e Volt Europa, ni lëvizje politike pan-evropiane që qëndron për ni Evropë të bashkum e progresive. Jena t’përkushtum me pru ndryshim pozitiv në Kosovë përmes drejtësisë shoqnore, qëndrueshmërisë mjedisore, e ni demokracie t’hapët e transparente. Si ni lëvizje politike që po rritet, po kërkojmë njerëz me pasion e aftësi që me na ndihmu me arritë qëllimet tona.
Përmbledhje e Pozitës:
Jemi në kërkim të ni Bashkë-udhëheqësi për Ekipin e Financave & Mbledhjes së Fondeve, që me na u bashku në ekip. Ti ke me punu bashkë me bashkëudhëheqësin tjetër për me menaxhu strategjinë financiare të Volt Kosova-s, me menaxhu resurset, e me zhvillu fushata mbledhje fondesh që me mbështetë nismat tona. Kjo asht ni mundësi e shkëlqyeshme me marrë pjesë aktive në formimin e të ardhmes së Volt Kosova-s dhe me kontribu me ni kauzë që e ndjen afër zemrës.
Përgjegjësitë Kryesore:
Strategjia Financiare: Bashkë-hartu e menaxho strategjinë financiare të Volt Kosova-s për me siguru qëndrueshmëri dhe rritje.
Mbledhja e Fondeve: Udhëheq e implemento nismat e mbledhjes së fondeve, prej mbledhjes përmes komunitetit deri te kërkimi i donacioneve e sponsorëve ma t’mdhaj.
Buxhetimi: Monitoro, planifiko dhe raporto për buxhetet e projekteve e fushatave, tue siguru që fondet përdoren në mënyrë efektive.
Aplikimi për Grante: Identifiko e aplikaj për grante t’përshtatshme, qoftë brenda Kosovës apo në nivel evropian.
Marrëdhaniet me Donatorë: Mbaj marrëdhanie të mira me donatorë e sponsorë, tue siguru komunikim e azhurnime t’rregullta.
Përputhshmëria: Siguro përputhshmërinë me rregulloret financiare dhe kërkesat për transparencë për organizata politike.
Aftësitë & Kualifikimet:
Eksperienca: Përvojë e ma pame në financa, mbledhje fondesh ose role të ngjashme asht e nevojshme. Përvoja në organizata jo-fitimprurëse apo politike asht ni plus.
Komunikimi: Aftësi të forta në shkrim dhe komunikim verbal në gjuhën shqipe (gegërisht) dhe anglisht (dija e gjuhëve tjera evropiane asht bonus).
Mbledhja e Fondeve: Dëshmi për përvojë në mbledhje fondesh apo mobilizim të burimeve, sidomos në sektorin jo-fitimprurës apo politik.
Puna në Grup: Aftësi me punu në bashkëpunim dhe me udhëheqë ni ekip në ni ambient dinamik e me shpejtësi.
Pasioni: Ni përkushtim i fortë për vlerat e Volt-it dhe misionin e tij, me interes për skenën politike e shoqnore të Kosovës.
Pse me u bashku me Volt Kosovën?
Ndikimi: Bëhu pjesë e ni lëvizjeje politike në rritje që punon për njoftim ndërkombëtar për Kosovën dhe integrimin e saj në Bashkimin Evropian—dy prej qëllimeve ma të randësishme për të ardhmen e vendit ton.
Lidershipi: Merr ni rol udhëheqës me mundësi për zhvillim dhe ndikim në vendimet financiare kyçe.
Rrjetëzimi: Puno ngushtë me individë me pasion e që mendojnë njëjtë në krejt Kosovën dhe Evropën, tue kontribu në lëvizjen e gjanë Volt.
Zhvillimi: Fito përvojë në financat politike, mbledhjen e fondeve dhe menaxhim brenda ni organizate inovative e progresive.
Kontributi: Ndihmo me siguru ni të ardhme të qëndrueshme për Kosovën, ku demokracia lulëzon dhe drejtësia shoqnore asht e mbrojtun.
Si me Apliku:
Nëse je gati me pru pasionin, aftësitë, e përvojën tande në lëvizjen tonë, na duam me dëgju prej teje! Ju lutemi dërgoni CV-në dhe ni letër motivuese të shkurtër që shpjegon pse jeni të interesum për këtë rol dhe qysh mundeni me kontribu te [email protected].
Volt Kosova asht ni organizatë që ofron mundësi të barabarta. Ne festojmë diversitetin dhe jemi t’përkushtum për me kriju ni ambient gjithëpërfshirës për krejt vullnetarët.